Филмот „Домаќинство за почетници“ во вторник (14 мај) ќе има бесплатна проекција во киното Фросина во Младинскиот културен центар по повод Меѓународниот ден против хомофобија, бифобија и трансфобија.
„Ни претставува чест да го одбележиме Меѓународниот ден против хомофобија, бифобија и трансфобија #IDAHOBIT со филмската приказна на Столевски која се занимава со универзалните вредности на семејството – она во кое сме се родиле и она кое самите сме го избрале“, велат од Коалиција Маргини кои ја организираат проекцијата во партнерство со Лист Продукција и МКЦ Скопје.
„Дита никогаш немала намера да биде мајка, но сега околностите ја присилуваат да ги згрижи малата немирна Миа и бунтовната тинејџерка Ванеса, ќерки на нејзината девојка. Гледаме битка помеѓу три своеглави жени кои полека прераснуваат во семејство и ќе сторат сѐ за да останат заедно“, пишува во описот за филмот.
Филмот премиерно беше прикажан на отворањето на 44. издание на Интернационалниот фестивал на филмска камера „Браќа Манаки“.
Актерката екипа на филмот е составена од Анамариа Маринка, Алина Сербан, Самсон Селим, Владимир Тинтор, Миа Мустафа, Џада Селим, Сара Климоска, Розафа Целај и Ајше Усеини.
Категорија: Петта категорија – филмови што не се препорачуваат за публика под 18 години
Сценарист и монтажер е Горан Столевски, директор на фотографија е Наум Доксевски, сценограф е Ана Жежничек. Костимографијата е на Роза Трајческа Ристовска, дизајнер на звук е Ема Бортињон, композитори: Ален Синкауз, Ненад Синкауз. Снимател на тон е Зоран Максимовиќ
Продуценти се Марија Димитрова, Клаудија Шмиеја-Ростворовска, Анкица Јуриќ Тилиќ, Беата Жежничек, Милан Стојановиќ, Блерта Башоли. Ко-продуценти: Кристина Берјесон, Џонас Келагер, Кристина Сејтон, Сем Џенингс. Извршни продуценти: Тим Хедингтон, Лиа Буман, Ана Лоча, Марчин Луцај, Јан Нашевски
Филмот е во продукција на: Лист Продукција (Северна Македонија), Мадантс (Полска), Кинорама (Хрватска), Сенс Продукција (Србија), Индустриа Филм (Косово), а во копродукција со: Филм-и-Васт и Комон Граунд Пикчерс (Шведска), Козаверј Филм и Аделаида Филм Фестивал (Австралија) и во асоцијација со: Танго (Америка), Ну Јуроп Филм Сејлс (Полска), Аделаида филм фестивал (Австралија).
