„Black Myth: Wukong“ ја освои наградата за „Ултимативна игра на годината“ на 42-то издание на „Golden Joystick Awards“. Се претпоставуваше дека оваа игра ќе биде следната „Елден Ринг“ уште пред да излезе. Развивачот на играта, Фенг Џи од „Game Science“, своето обраќање кога ја прими наградата го заврши со фразата: „Играјте јако, одмарајте здраво“ (Play hard rest well), пренесува агенцијата Мета.мк.
Фенг Џи најави и нови изненадувања во текот на годината околу самата игра, а гејмерите шпекулираат дека можеби и ќе излезе експанзија за „Black Myth: Wukong“.
Што се однесува до собирањето на наградите, двете игри „Final Fantasy VII Remake“ и „Helldivers 2“ (која веќе не е достапна на Steam за Македонија) земаа доста награди. „FF VII“ собра награди за најдобар трејлер и за двајца гласовни актери, Коди Кристијан кој го позајмува гласот за протагонистот Клауд и Бриана Вајт за Аерит Геинсбороу.
На настанот беа номинирани голем број на инди игри (независни) кои беа инвентивни и со креативни механики и уникатни стилови. Меѓу нив беше наградена играта што има ликови од сите мултимедијални франшизи на игри во пикселизирани карти, а џокерите играат огромна улога.
Впечатлива игра номинирана меѓу најдобрите е играта со Индијана Џоунс – „Indiana Jones and The Great Circle“ во која околините се репродукција на 1930-тите години направени со детални проучувања на фотографии од тој период.
Играта ќе излезе на 4ти декември годинава. Додека во истата категорија првата награда на „Golden Joystick Awards“ (за надоаѓачка игра) ја зема долгоочекуваната игра „GTA 6“.
За најдобра експанзија на годината наградата ја зема експанзијата на „Елден Ринг: Shadow of the Erd Tree“.
Како што пренесува Мета.мк, шоуто беше одлично со мултикултурен карактер и интересни екстравагантни стилови на облекување на сите луѓе што се качија на сцена. Секако и изборот на номинирани игри содржи и многу други одлични наслови како на пример „Senua’s Saga HellBlade 2“ за која Мета.мк има посебен напис, „Palworld“ која ја следи од првата најава, „Minecraft“ и многу други популарни наслови кои опстанаа како игри и секако доста многу надежни нови наслови.
