Милиони луѓе низ светот секојдневно ја користат Википедија за да добијат повеќе податоци за она што ги интересира, а најпознатата онлајн енциклопедија секоја година ги објавува најпребаруваните термини.
За оваа 2023 тој термин е ChatGPT, кој на англиската верзија од платформата имал речиси 50 милиони прегледи. Јазичниот модел базиран на вештачка интелигенција (ВИ) изминатава година привлече многу влијание, а истовремено и контроверзии и загриженост за иднината на човештвото со вакви системи кои полека започнуваат да ги менуваат луѓето во работни задачи кои досега ги вршеа исклучиво луѓе.
„ChatGPT е една од ВИ генеративните алатки кои е тренирана на податоци од Википедија, собирајќи големи количини содржина од проектите на Википедија кои одговараат на прашањата на луѓето. Но, фактот дека милиони луѓе доаѓаат на Википедија за да научат нешто повеќе за ChatGPT е на некој начин интересен пресврт“, вели Ануша Аликан, службеник за комуникации во Фондацијата Викимедија, пренесе Еуроњуз.
Вториот најчитан термин на Википедија оваа година била годишната листа на смртни случаи, која секоја година се наоѓа во врвот на овие годишни листи. Големо внимание имаат привлечено и познатите личности кои починаа годинава, меѓу кои и Википедија страниците на Метју Пери и Лиза Мари Присли.
Англиската верзија на Википедија во 2023 имала повеќе од 84 милијарди прегледи, а ова се најчитаните 25 страници:
1. ChatGPT: 49,490,406 прегледи
2. Deaths in 2023: 42,666,860 прегледи
3. 2023 Cricket World Cup: 38,171,653 прегледи
4. Indian Premier League: 32,012,810 прегледи
5. Oppenheimer (film): 28,348,248 прегледи
6. Cricket World Cup: 25,961,417 прегледи
7. J. Robert Oppenheimer: 25,672,469 прегледи
8. Jawan (film): 21,791,126 прегледи
9. 2023 Indian Premier League: 20,694,974 прегледи
10. Pathaan (film): 19,932,509 прегледи
11. The Last of Us (TV series): 19,791,789 прегледи
12. Taylor Swift: 19,418,385: прегледи
13. Barbie (film): 18,051,077 прегледи
14. Cristiano Ronaldo: 17,492,537 прегледи
15. Lionel Messi: 16,623,630 прегледи
16. Premier League: 16,604,669 прегледи
17. Matthew Perry: 16,454,666 прегледи
18. United States: 16,240,461 прегледи
19. Elon Musk: 14,370,395 прегледи
20. Avatar: The Way of Water: 14,303,116 прегледи
21. India: 13,850,178 прегледи
22. Lisa Marie Presley: 13,764,007 прегледи
23. Guardians of the Galaxy Vol. 3: 13,392,917 прегледи
24. Russian invasion of Ukraine: 12,798,866 прегледи
25. Andrew Tate: 12,728,616 прегледи
Според Фондацијата Викимедија, оваа листа на 25 најпопуларни термини била изработена со податоци заклучно со 28 ноември. Бројките за целата 2023 треба да бидат ажурирани од непрофитната организација на 3 јануари 2024.
Англиската верзија на Википедија оваа година логично имала најмногу посети од државите од англиско говорно подрачје – САД (33,2 милијарди посети), Велика Британија (9 милијарди), Индија (8,48 милијарди), Канада (3,95 милијарди) и Австралија (2,56 милијарди.
Онлајн енциклопедијата започна со работа во јануари 2001 година, како бесплатна ризница на податоци која се надополнува и одржува од заедница на волонтери низ целиот свет.
