Постои ли книга што не сакате да ја видите на платно? Дали филмот треба да биде верен на книгата за да се допадне? Каква е позицијата на жената режисер во филмската индустрија?
За овие, но и за други прашања, денеска ќе се зборува на настанот „Читаме филм, гледаме книга“ во Јуроп Хаус од 17 часот.
„Ќе разговараме со Александар Маџаровски – Читачот, Златко Ѓелески – филмски критичар и Александра Кардалевска – режисер“, стои во најавата.
Настанот се одржува во знакот на Денот на книгата, а е поддржан од Амбасадата на Шпанија во Скопје.
