Првата речиси целосно 3Д-печатена ракета полета за првпат утринава од космодромот Кејп Канаверал во Флорида.
„Теран 1“ е ново вселенско летало на „Релативити Спејс“, високо 34 метри и со околу 85% од компонентите произведени со помош на 3Д принтер.
Од компанијата изјавиле дека нивната цел била повеќе од 95% од масата на ракетата да биде испечатена.
Вивнувајќи се од комплексот 16 во американската вселенска станица, „Теран 1“ издржа само неколку минути во небото и потоа падна назад на Земјата.
Today’s launch proved Relativity’s 3D-printed rocket technologies that will enable our next vehicle, Terran R. We successfully made it through Max-Q, the highest stress state on our printed structures. This is the biggest proof point for our novel additive manufacturing approach.… pic.twitter.com/9iaFVwYoqe
— Relativity Space (@relativityspace) March 23, 2023
Иако мисијата не беше успешна до крај, летот сепак претставува значаен успех за „Релативити Спејс“.
Прво назначената точка што требаше да ја мине леталото се нарекува „Max-Q“. Тоа е моментот на почетокот на лансирањето каде аеродинамичниот притисок и другите сили на моторот се најголеми. Поминувањето на оваа точка го утврди интегритетот на 3Д-печатените составни делови на ракетата.
„Ова е најголемиот доказ за нашиот нов пристап на производство на компоненти. Денес имаме голема победа, со многу историски моменти. Ќе ги процениме податоците за летот и ќе обезбедиме јавни ажурирања во текот на следниве денови“, изјавиле од компанијата.
„Релавити спејс“ во моментов скицира многу поголема ракета наречена „Теран-Р“ со капацитет да издржи 20 тони на слична височина која треба да биде лансирана во 2025 година. За разлика од неговиот претходник „Tеран-Р“ ќе може целосно да се користи, односно и двата дела од кои е создаден ќе може да се вратат на Земјата и ќе може да се соберат за повторно летање.
