Музичкиот фестивал „Андерфест“ ќе се одржи денеска со почеток од 20 часот во Младински културен центар (МКЦ) во Скопје.
„Публиката и овој пат ќе има можност да ужива во музиката од претежно алтернативната и рок енд рол сцена од нашата држава“, истакнуваат од фестивалот.
На годинешното издание на „Андерфест“ ќе настапат Миа Перевска, Стефан Петановски, „Basement Cult“, „The Mole Pack“, „Fiction“ и „Foolish Green“.
„Еден од врвните приоритети на фестивалот сеуште е да ги мотивира младите уметници да продолжат да креираат нови музички дела со кои ќе ги покажат своите големи таленти и вештини и воедно ќе ја промовираат нашата музичка култура и вон границите на нашата држава“, додаваат оттаму.
Картите за фестивалот може да ги набавите на билетарата на МКЦ или на линкот.
