Парискиот Дизниленд гради огромна соларна централа за целосно декарбонизирање на своето снабдување со енергија, пишува Еуроњуз.
Паркот е туристичка дестинација број еден во Европа и пречека повеќе од 320 милиони посетители од неговото создавање во 1992 година.
Соларната централа ќе опфати 17 хектари со 67.500 соларни панели, или колку 24 фудбалски игралишта поставени едно до друго.
Соларните панели имаат многу низок отпечаток на јаглерод и можат да се рециклираат 94 проценти. Нивното производство се проценува на 31 гигавати на час (GWh) годишно, што е приближно исто како потрошувачката на град со 14.500 жители.
Изградбата на оваа гигантска централа се очекува да заврши целосно до 2023 година. Досега се поставени 12.000 соларни панели, кои опфаќаат 1.770 места за паркирање.
Целта е да се намалат емисиите на СО2 за 750 тони годишно. Соларните панели ќе произведуваат обновлива енергија што не само што ќе сочинува 17 проценти од сегашната потрошувачка на електрична енергија во туристичката дестинација, туку исто така ќе ги заштити автомобилите од сонце, дожд или снег.
Создавајќи 19 тони отпад годишно, Дизниленд понекогаш се смета дека самиот парк е град. Доволно е голем за да биде еден вид на предградие на Париз.
