Неколку индиски држави планираат воведување на политика за ограничување на семејствата да имаат до две деца и да ја поттикнат стерилизацијата како средство за контрола на населението, пишува Гардијан.
Државата Утар Прадеш, најнаселената држава во Индија со население поголемо од Бразил, објави предлог-закон со кој на сите парови со повеќе од две деца ќе им бидат забранети државни бенефиции, субвенции и државни работни места. Откако семејството ќе има две деца, ќе има и стимулации доколку еден од родителите подложи на доброволна стерилизација.
Предлог-законот беше поднесен од владата на државата Утар Прадеш, каде владее хинду-националистичката партија Баратија Џаната. Главниот министер на државата Јоги Адитијанат се смета за една од најстрогите националистички фигури во партијата и ќе биде на реизбор на државните избори следната година.
Владата соопшти дека предлог-законот се должи на „ограничените еколошки и економски ресурси на располагање“.
Северо-источната држава Асам, со која управува БЏ, минатиот месец објави планови за слична мерка, како и државата Гуџарат.
Сепак, додека Индија се очекува да ја надмине Кина како најголемо население во светот во следната деценија, многумина се сомневаат во потребата и мотивите на предложената политика за две деца во индиските држави. Иако државата Утар Прадеш има голема популација од 240 милиони жители, истражувањата покажуваат дека наталитетот во државата е скоро преполовен помеѓу 1993 и 2016 година и продолжува да опаѓа, со предвидувања дека до 2025 година, просечниот број на деца по мајка ќе се намали на 2,1 .
Сличен тренд на опаѓање се забележува низ цела Индија. Извештајот на Националното истражување за здравје на семејството во 2020 година открива дека вкупниот процент на плодност – бројот на деца родени по жена – се намалил во 14 од 17 држави и сега е на 2,1 или помалку деца.
Одлуката на неколку државни влади да предложат политика за две деца се смета за политички мотивирана, особено во Утар Прадеш каде што ќе има државни избори следната година. Во Утар Прадеш и држави како Асам, кои имаат големо муслиманско население, постои широко распространето, но неиздржано верување дека муслиманските семејства прекумерно се продуцираат, трошат вредни ресурси и ја ставаат хинду-популацијата како ризик да станат малцинство.
Политика за две деца веќе е спроведена во различни форми во 12 држави низ Индија, но четири држави оттогаш ја укинаа поради недостаток на какви било докази за влијание. Активистите предупредуваат дека оваа политика диспропорционално влијае врз жените, особено самохраните мајки и ја повикаа владата да се фокусира на контрацепција и едукативни средства за контрола на населението.