Банката на Естонија издаде еден милион нови монети од две евра со специјален дизајн во поддршка на Украина кои во следниот период ќе бидат доставени до банките и ќе влезат во циркулација во платежниот промет.
Монетата може да се купи и посебно, а сите средства ќе одат во поддршка на Украина.
„Оваа монета треба да ги потсетува луѓето дека слободата е највисоката вредност и дека таа има многу голема цена. Украина во моментов води војна која одзема животи на нејзините луѓе поради заедничките вредности на европскиот културен простор и наше е да продолжиме да ги поддржуваме“, вели директорот на Народната банка на Естонија, Мадис Мулер.
Естонската премиерка, Каја Калас, на Твитер напиша дека новите монети ќе бидат секојдневен потсетник на украинската борба за слобода и нивната иднина во ЕУ.
Estonia’s central bank @EestiPank issued 2-euro coins dedicated to #Ukraine. Today they go into circulation.
The coin is designed by Ukrainian refugee Daria Titova.
It will be a daily reminder of Ukraine’s fight for freedom and its future in the EU.https://t.co/diMTgryMkF
— Kaja Kallas (@kajakallas) November 29, 2022
На новата монета на задната страна се напишани зборовите „Слава Украини“ и е прикажана жена која заштитува птица во нејзината рака, како симбол на сочуство, а на паричката исто така има и слика од клас жито.
Монетата е дизајнирана од Дарија Титова, која во Естонија дошла како бегалка од Харков. Таа во моментов студира на Естонската академија на уметности.
