Силниот ветер кој денеска ја зафати општина Гевгелија предизвика повеќе штети со искршени гранки, дрвја, оштетени билборди, а го откорна и одвеа лимениот кров на Средното општинско училиште „Јосиф Јосифовски“, објави локалниот портал „Гевгелијанет“.
Фото: Гевгелијанет
-Појавата на ветер го зафати подрачјето на Гевгелија утрово од 08:30 часот со периодични ударни рафални моменти. Најголема ударна моќ достигна во периодот од 13 до 15 часот. Тогаш, поточно во 13:55 часот беше измерен удар од 21,5 метри во секунда, што одговара на брзина од 78 километри на час, изјавуваат од Метеоролошката станица во Гевгелија.
Фото: Гевгелијанет
Покрај новиот кров на гимназијата,вчера ветрот во градот ги однесе покривите на уште неколку објекти и индивидуални куќи.