[Галерија] Лорен Балеста ја доби наградата Фотограф на дивината 2023

Лорен Балеста е носител на титулата Фотограф на дивината за 2023 година за фотографијата од мистериозен потковица рак од „другиот свет“, пишува „Би-Би-Си“.

Златниот морски членконог е забележан како го гушка калливото дно во водите на островот Пангаталан во Филипините. Ракот е фотографиран во момент кога го следат три мали рипчиња со надеж дека движењата на ракот ќе придонесат да се изложи оброк на седиментот.

Балеста е вториот фотограф кој се стекнал со оваа награда два пати во 59-те години од кога се одржува натпреварот. Во 2021 година тој ја доби главната награда за фотографијата од трио риби – групер фотографирани во момент на парење.

Видот три ‘рбетен рак потковица преживел повеќе од 100 милиони години, но сега се соочува со уништување на живеалиштето и прекумерен риболов. Луѓе го ловат за храна и за неговата крв што се користи за креирање вакцини. Но, во еден мал морски резерват што се наоѓа околу островот Пангаталан тој ја добива потребната заштита.