Бразилските дизајнери негуваат специфична, сопствена естетика, а некои примери беа достапни изминатите денови на најголемиот и најпознатиот дизајнерски настан во светот, Неделата на дизајн во Милано, каде авторите од Бразил се претставија на посебна изложба наречена „Made in Brazil“.
Меѓу рачно изработените експонати со влијанија од бразилскиот фолклор и локални уметнички традиции, кои зрачат со сончева енергија и оригинален пристап, има секакви дела – од класичен мебел до експериментална мода и дизајн на осветлување.
„Маса“, ACDI Branding Design – спој на бетон и дрво
“Трама” е колекција на Humberto Da Mata комплетно рачно изработена од занаетчии од Сао Паоло. Авторот истражувал и создал нов начин за изработка на мебел, комбинирајќи го со традиционалните техники.
„Абажур Јаванава“ е столна ламба дизајнирана со држач што имитира кожа од питон, животно свето за племето Јаванава. Дизајнот е на Rosenbaum, Fetiche Design и Nada Se Leva.
Hunaty е оригинално решение за менаџирање со светлоста. Тоа е сет ламби поставен во рибарска мрежа. Дизајн на Rosenbaum, Fetiche Design и Nada Se Leva
Столните ламби Octa се алуминиумски светилки за прилагодливо светло што потсетуваат на рефлектори. Дизајнот е на студиото Nodesign
Bench Bombo е едноставна, но интересно геометриско тело без внатрешна структура, составено од бројни парчиња кои го држат заедно
Chita е популарен материјал со потекло од Индија, а негова најпрепознатлива карактеристика е цветната шема. Како своевиден букет, овие цветови го декорираат објектот во кој се поставени. Дизајн на Sergio J. Matos
Sergio Rodrigues (1927-2014) ги дизајнирал овие столови, во кои е забележливо влијанието на бразилскиот фолклор, како и на модерниот дизајн
„Грбот на мулатката“, дело на Yassin Lahmar и Ana Vaz