Генералниот секретар на Обединетите нации (ООН), Антонио Гутереш ја осуди употребата на смртоносна сила во Мјанмар, каде безбедносните сили пукаа на демонстранти кои протестираат против воениот пуч во земјата, пренесува „Н1“.
„Ја осудувам употребата на смртоносно насилство во Мјанмар“, напиша Гутереш на Твитер и додаде дека „употребата на смртоносна сила, заплашување и малтретирање на мирни демонстранти е неприфатлива“.
I condemn the use of deadly violence in Myanmar.
The use of lethal force, intimidation & harassment against peaceful demonstrators is unacceptable.
Everyone has a right to peaceful assembly. I call on all parties to respect election results and return to civilian rule.
— António Guterres (@antonioguterres) February 21, 2021
Гутереш рече дека сите имаат право на мирен собир и ги повика сите страни да ги почитуваат изборните резултати.
Двајца демонстранти беа убиени, а околу 30 беа повредени вчера во градот Мандалеј, кога безбедносните сили пукаа на протестниот собир против воената хунта, во досега најтешките судири меѓу демонстрантите и безбедносните сили од пучот на 1 февруари.
Ескалацијата на насилството следеше еден ден откако 20-годишно девојче почина откако беше рането од огнено оружје на протест во главниот град Непјидо на 9 февруари.