Јужнокорејската писателка Хан Канг е добитничка на Нобеловата награда за литература, соопшти Шведската академија, а пренесува Ал Џазира Балканс.
Таа ја доби наградата, како што е објаснето, „за интензивна поетска проза која се соочува со историските трауми и ја разоткрива кревкоста на човечкиот живот“.
Меѓу имињата кои кружеа во книжевните кругови беа руската авторка и отворена критичарка на Путин, Људмила Уличка, кинескиот авангарден писател Кан Кју, британскиот писател Салман Ружди, американскиот писател од Карипско потекло Јамајка Кинкаид и норвешкиот драматург Џон Фосе.
BREAKING NEWS
The 2024 #NobelPrize in Literature is awarded to the South Korean author Han Kang “for her intense poetic prose that confronts historical traumas and exposes the fragility of human life.” pic.twitter.com/dAQiXnm11z— The Nobel Prize (@NobelPrize) October 10, 2024
Шведската академија често става акцент на малку познати автори, иако наградата и припадна на француската феминистичка икона Ани Ерно минатата година. Хан Канг е само осумнаесеттата жена што ја добива наградата од 1901 година.
Во последниве години, наградата ја добија три жени: гореспоменатата Ени Ерно, американската поетеса Луиз Глук и полската Олга Токарчук и тројца мажи: норвешкиот писател Џон Фосе, австрискиот писател Петер Хандке и танзанскиот писател Абдулразак Гурна.
Името на добитникот на Нобеловата награда за мир ќе биде објавено во петок, а за економија на 14 октомври.
Наградите ќе бидат доделени на церемонии во Стокхолм и Осло на 10 декември, на годишнината од смртта на шведскиот научник Алфред Нобел, кој ја основа наградата.
