Мајкрософт соопштија дека го истражуваат проблемот со кои се соочија илјадници корисници на нивните производи низ светот, меѓу кои и падови кои се случија на видеоконференциската платформа „Teams“ и мејл платформата „Outlook“.
Од компанијата информираа дека проверуваат за „проблеми кои влијаат на повеќе „Мајкрософт 365“ услуги“, во кои се вклучени и програмите како Ворд и Ексел.
We’re investigating issues impacting multiple Microsoft 365 services. More info can be found in the admin center under MO502273.
— Microsoft 365 Status (@MSFT365Status) January 25, 2023
Продуктите на „Мајкрософт 365“ имаат милиони корисници низ светот, а илјадници од нив утрово пријавуваа дека се соочуваат со проблеми на сајтот „Downdetector“. Меѓу засегнатите биле корисници и од САД, Велика Британија, Австралија и Бразил, кои покрај програмите од овој „Мајкрософт 365“ пакет се соочиле и со падови на системот за видеоигри на „Xbox“ како и клауд платформата „Azure“.
Минатата недела Мајкрософт соопшти дека отпушта 10.000 вработени, што е нешто под 5% од вкупниот број на нивниот број на вработени. Тие како причина за ова намалување на работната сила ја наведоа слабоста на глобалната економија и промена на приоритетите на нивните корисници пост пандемијата со Ковид-19.
