Инспириран од ретро постерите за суперхерои, илустраторот Душко Зафировски изработи неколку илустрации во кои ги прикажа докторите, болничарите, фармацевтите и волонтерите кои периодов се борат со новиот коронавирус во поинакво светло.
„Поддршка за нашите суперхерои! Постојат и треба да ги цениме повеќе“, напиша тој на својата Фејсбук објава.
Како што вели за Радио МОФ, решил наметките од суперхероите да им ги „позајми“ на лекарите и сите што се вклучени во превенцијата на Ковид-19 коронавирусот.
„Прашувајќи се што би направиле тие сега, логично ми беше дека би ги поддржале сите од медицината, бидејќи само медицината може да помогне“, вели тој.
Поддршка за нашите супер-херои!Постојат и треба да ги цениме повеќе!edit: По ваша сугестија, додадени се 2 нови постера:)
Posted by Duško Zafirovski on Sunday, 15 March 2020
Министерството за здравство ги повика сите креативци да се вклучат во пренесување на препораките и мерките за јавноста преку своите уметнички дела.
Е.П.