Лорета Стефановска е визуелна уметница со повеќегодишно искуство во илустрација и анимација. Работи како илустратор и аниматор во ,,Bright Jungle Studios”.
Дипломирала на Факултетот за ликовни уметности, а по дипломирањето се насочила кон дигиталната уметност.
,,Најчесто инспирација црпам од видео игри и анимирани филмови, а поради работата ми се појави и интересот за илустрациии за деца. Тие секогаш му нудат шанса на уметникот да ја пушти креативноста до максимум и да има целосна слобода на изразување.
Сакам да експриментирам со бојата, формата и осветлувањето, главните компоненти во моите илустрации. Инспирирана од едноставноста и креативноста на детските цртежи, пробувам да доловам визуелна приказна која би го привлекла вниманието на гледачот”, вели таа за Радио МОФ.
Стефановска е уште една илустраторка која се приклучува на нашата иницијатива #ИнстаИлустрации. Во продолжение, погледнете дел од нејзините илустрации: