Поради верскиот празник Духовден, во петок, и сабота (21 и 22 јуни), јавниот превоз ќе сообраќа по неделен возен, со исклучок на линиите 11, 11А, 18А, 32, 47А, 51, 55, 55В, 56, 56А, 70, 74, 81, 118, 160, 164 и 180, кои ќе сообраќаат по саботен возен ред, информираат од ЈСП – Скопје.
Во недела сите возила од јавниот превоз ќе сообраќаат по неделен возен ред.
„Утре од 7 до 14 часот, дежурни ќе бидат билетарниците во Ѓорче Петров и таа на Транспортен центар, а во сабота сите билетарници и центри за персонализација ќе имаат редовно работно време“, додаваат оттаму.
Жичницата, утре како и за време на викендот, ќе работи вообичаено, од 10 до 20 часот.
