Израелскиот парламент усвои закон со кој на најважната агенција на Обединетите нации која им помага на Палестинците (УНРВА) ѝ се забранува работа во Израел, пренесува Н1. Предлог-законот беше усвоен со 92 гласа „за“ и 10 „против“.
Усвојувањето на законот сериозно ќе ја ограничи можноста на Обединетите нации да пружат помош за палестинските бегалци на териториите окупирани од Израел, а членовите на Кнесетот ги отфрлија повиците на меѓународната заедница да се откаже од законот.
Законот формално не ѝ забранува на агенцијата на ОН да работи на територии окупирани од Израел, како Газа и Западниот Брег, но значително ја намалува нејзината способност да одговори на трагични настани во тие области.
Гласањето во Кнесетот се одржа и покрај меѓународниот притисок од САД и другите западни земји. Министрите за надворешни работи на Канада, Австралија, Франција, Германија, Јапонија, Јужна Кореја и Велика Британија во заедничка изјава го повикаа Израел да се откаже од усвојувањето на законот, изразувајќи „сериозна загриженост“ поради трагичната хуманитарна ситуација во Газа.
УНРВА обезбедува суштинска хуманитарна помош и основни услуги за спасување животи за палестинските бегалци во Газа, Источен Ерусалим и Западниот Брег.
Обезбедувањето на таква помош, која вклучува образование, здравствена заштита и дистрибуција на гориво во Газа и на Западниот Брег, би било сериозно попречено, ако не и невозможно, особено во северниот дел на Газа, и би имало катастрофални последици за и онака критичната хуманитарна ситуација, која е од ден на ден се влошува, се вели во соопштението.
