Израелското Министерство за одбрана соопшти дека склучило договори во вредност од 275 милиони долари со најголемиот приватен производител на оружје во земјата, Елбит, за производство на тешки бомби и суровини потребни за одбрана, намалувајќи ја зависноста од увоз, пренесува Ал Џазира Балканс.
„Овие стратешки договори се клучни за зголемување на оперативната издржливост на израелските сили и способностите за градење сили“, се вели во извештајот, опишувајќи ја потребата од намалување на зависноста од увозот како „централна лекција“ од војната во Газа.
Според еден договор, Елбит ќе ја снабдува армијата со илјадници парчиња тешка воздушна муниција. Со вториот договор би се основала фабрика за производство на суровини кои порано доаѓале главно од странство.
Немилосрдното бомбардирање на Газа од страна на Израел продолжува, а во последните напади врз станбени згради загинаа шест лица – вклучително и едно дете, со што бројот на загинатите од вчерашните напади се искачи на најмалку 28.
Том Флечер, шефот за хуманитарна помош на Обединетите нации (ОН), вели дека напорите да се спасат животите на преживеаните во Газа се „на клучна точка“ поради континуираните израелски напади врз хуманитарните работници и падот на законот и редот во енклавата разурната од војната.
Исто така, Во Џабалија, Израел цели на бројни станбени куќи. Ова не се случува само во Џабалија, туку и во средната област Нусејрат и ал-Магази. Џабалија, Беит Ханун и Беит Лахија се под израелска опсада каде што никој не може да стигне до областа и знаеме дека има Палестинци кои се уште се заробени и не можат да заминат без храна, вода, лекови или помош.
Претходно денеска, 7 јануари, хуманитарен работник кој работеше во партнерство со дистрибутивната организација Маан им подлегна на раните здобиени во нападот пред два дена на еден од дистрибутивните пунктови.
Во израелскиот геноцид во Газа загинаа најмалку 45.885 Палестинци и рани 109.196 од 7 октомври 2023 година. Најмалку 1.139 луѓе беа убиени во Израел за време на нападите предводени од Хамас тој ден, а повеќе од 200 беа заробени.
