Во организација на „615 Асоцијација“, оваа година свое јубилејно 10 издание ќе одржи Фестивалот за електронска музика #СМОТРА.
Претставен како фестивал кој е „дестилатор на најдобрите електронски звуци во Македонија“, #СМОТРА, ќе се одржи на 16 јули, сабота во Старата битолска чаршија со почеток во 21 часот.
Мултимедијалниот проект е создаден од млади ентузијасти кои имаат за цел да ја децентрализираат електронската музичка сцена и да ги приближат младите до современите уметности.
„Со необичните локации, како запуштени објекти во поранешната касарна, старата чаршија, подземни гаражи и внимателно избрани изведувачи кои настапуваат со енергични ди-еј сетови и настапи во живо, СМОТРА претставува одлично место за сите перфекционисти и љубители на алтернативната култура“, истакнуваат од „615 Асоцијација“.
Според музичката програма на фестивалот, овојпат на #СМОТРА ќе се претстават диџеј Флодер, Укс и Т-Зобе.
Повеќе за програмата може да видите тука.
Од организацијата информираат дека е отворен повикот за волонтери, а сите заинтересирани треба да го пополнат формуларот за учество.
