Посредникот Катар вели дека договорот за прекин на огнот во Газа е поблизок отколку што беше со месеци, додавајќи дека многу од пречките во разговорите се испеглани, пренесува Ал Џазира Балканс.
Како што напредуваат разговорите за прекин на огнот, жителите на Газа изразуваат „мешавина од оптимизам и длабоко вкоренет скептицизам“, според тимот на Ал Џазира на терен.
Како што велат оттаму, она што би се очекувало е забавување или затишје на нападите низ Појасот Газа, но она што го гледаат е повеќе наплив што експоненцијално се зголемува во последните неколку дена. Колку повеќе протекуваат информации за потенцијален договор за прекин на огнот, толку повеќе слушаме за разговори, толку побрзо се забрзуваат овие напади.
„Само во изминатите неколку минути, во дворот на болницата за маченици Ал Акса, каде што стојам, беше забележан хаос – прилично хаотична сцена откако четири лица беа убиени во напад на прометна област во северозападниот дел на градот Деир ал“, вели новинарот Балах.
View this post on Instagram
Нападот бил извршен во момент кога луѓето влегувале и излегувале од своите шатори кога дронот удрил во група луѓе кои го напуштале местото каде што престојувале.
Значи, не се гледа некоја значајна промена на теренот и покрај сите разговори. Нападите продолжија и во градот Газа и понатаму на север, каде во повеќекратни напади со беспилотни летала загинаа повеќе луѓе, а цел беа станбени згради и јавни објекти.
Во овој момент во изминатите 12 часа починале вкупно 33 лица.
