Крајот на култниот американски филм „Боречки клуб“ од 1999 година е отстранет за гледачите во Кина и е заменет со телоп на кој пишува дека властите победиле, пренесува Би-Би-Си.
Во оригиналниот крај ликот кој го игра Едвард Нортон го убива неговиот замислен алтер-его Тајлер Дурден, кој го игра Бред Пит, пред експлозија на градот во завера за создавање нов општествен поредок.
Во Кина, пред експлозијата сега се појавува текст во кој стои дека полицијата ја открила заверата, ги уапсила криминалците и го испратила Дурден во душевна болница.
„Преку траги кои ги оставил Тајлер полицијата брзо го разоткрила целиот план и ги уапсила криминалците, успешно превенирајќи бомбата да експлодира. По судењето Тајлер е испратен во душевна болница за психијатриско лекување. Тој бил отпуштен од болницата во 2012 година“, стои на крајот на верзијата за кинеските гледачи.
Од организацијата Хјуман Рајтс Воч ги окарактеризираа измените како дистописки на Твитер.
Dystopian.
“The first rule of Fight Club in China? Don’t mention the original ending. The second rule of Fight Club in China? Change it so the police win.” https://t.co/mxaoKwhmvy pic.twitter.com/kMzFTbv4nQ
— Human Rights Watch (@hrw) January 25, 2022
Писателот на романот според кој е направен филмот, Чак Паланиук, саркастично на Твитер напиша: „Ова е супер! Секој добива среќен крај во Кина!“.
Have You Seen This Sh*t?
This is SUPER wonderful! Everyone gets a happy ending in China!https://t.co/saVA2yro9B pic.twitter.com/20UzTi1nyI
— Chuck Palahniuk (@chuckpalahniuk) January 25, 2022
Измените ги револтираа корисниците на социјалните мрежи во Кина кои претходно гледале пиратски копии од оригиналниот филм.
Не е реткост кинеските власти да цензурираат делови од западните филмови, но уште поретко е ваквото менување на самиот крај.
