Членови на групата „Востание на последната генерација“ денеска протестираа блокирајќи го пристапот до трите најголеми германски аеродроми, јавува „Дојче веле“.
Групата ја повика германската влада да се заложи за повеќе законски мерки за да се стави крај на фрлањето храна, што според нив придонесува и за гладот и за климатските промени.
+++ EILT +++ 3 Flughafenblockaden – 3 Jahre um unsere Gesellschaft zu retten +++ #LetzteGeneration fordert mit ihren Aktionen eine Umsetzung der Maßnahmen des repräsentativen @BuergerratKlima und ein sofortiges #EssenRetten-Gesetz +++ Blockaden in Berlin, München, Frankfurt pic.twitter.com/Cd2YOCWoRr
— Essen Retten – Leben Retten 🌾 (@AufstandLastGen) February 23, 2022
Климатските активисти протестираа во Франкфурт, Минхен и Берлин. Тие посочија дека сакаат да го попречат товарниот и патничкиот сообраќај на аеродромите во градовите.
Осум активисти во Минхен ги залепија рацете на тротоар утрово во обид да блокираат два патишта кои водат до аеродромот, потоа биле одведени во полициска станица околу 9 часот и 30 минути по локално време.
Шест активисти пак, држејќи транспаренти на кои пишуваше „Спаси храна, спаси животи“ блокираа пат во Франкфурт.
Во меѓувреме, во Берлин пет активисти ги залепија рацете на патот што води до аеродромот, со што успеаја да го пренасочат сообраќајот.
Aktivist*innen von @AufstandLastGen kleben sich vorm #BER auf die Straße, für die Kampagne #Essenrettenlebenretten@ndaktuell pic.twitter.com/PBAc9vobjg
— Louisa Theresa Braun (@LouisaTB) February 23, 2022
Активистите од групата со недели протестираат во Берлин, Хамбург и други германски градови, со блокади и штрајкови со глад.
Групата се залага Германија да преземе дополнителни чекори кон намалување на емисиите на стакленички гасови во земјоделството со елиминирање на отпадот од храна.
