Компанијата „OpenAI“ тестира нов пребарувач кој користи генеративна вештачка интелигенција за да произведе резултати, со што се зголемува можноста за значителен предизвик за доминацијата на Гугл на пазарот на онлајн пребарување, јавува Гардијан.
„SearchGPT“ ќе биде достапен на мала група корисници пред потенцијалното пошироко пуштање за јавноста, најави компанијата вчера. „OpenAI“ на крајот има намера да ги вклучи функциите за пребарување во „ChatGPT“, наместо да понуди самостоен производ.
Компанијата посочи дека „SearchGPT“ е привремен прототип што ќе ги комбинира моделите со вештачка интелигенција на компанијата, како што е „ChatGPT“, со можност за пребарување на интернет. Овој прототип е најавено дека ќе одговара разговорно на пребарувањата, истовремено обезбедувајќи ажурирани информации со „јасни врски до релевантни извори“.
Ваквата функција за пребарување го позиционира „OpenAI“ како директен конкурент на големите пребарувачи, особено на Гугл, но исто така и на Бинг, производ на најголемиот инвеститор на компанијата, Мајкрософт.
We’re testing SearchGPT, a temporary prototype of new AI search features that give you fast and timely answers with clear and relevant sources.
We’re launching with a small group of users for feedback and plan to integrate the experience into ChatGPT. https://t.co/dRRnxXVlGh pic.twitter.com/iQpADXmllH
— OpenAI (@OpenAI) July 25, 2024
