Студентите на Факултетот за музичка уметност за прв пат ќе одржат концерт на Академска сцена при ФДУ, во петок (11.03) од 20:30 часот.
На концертот ќе настапат Георги Калајџиев, Доминика Робе, Вегим Кучи, Мартина Нанеска, Ема Ананиевска, Ѓорѓина Поповска, Тамара Коминовска, Денис Димоски, Полина Тасева, Ива Дамјановски, Кристина Шокароска, Љубица Делева и Лида Алиу, студенти од втора, трета и четврта година. Репертоарот може да го најдете на поканата за настанот.
Концертот е самостојно организиран, како соработка на студентите на ФДУ и ФМУ. Станува збор за трета соработка меѓу двата факултети, после настапот на студентите од ФМУ на Автономна зона и на тридневниот фестивал ДАМЛА.
Влезот е бесплатен.