На денот на навршување една година од прерано згаснатиот живот на планинарот Филип Чакаров, ќе се одржи меморијален марш во негова чест. Планинарскиот спортски клуб Драчево ги поканува сите кои го сакаа и почитуваа да му оддадат почит со тоа што ќе учествуваат во маршот.
Маршот ќе содржи две рути:
– Тешка:
Се поаѓа од локалитетот Три Круши во Драчево кон врвот Китка преку село Вртекица. Од врвот Китка, групата се упатува кон Преслап, од каде преку Кадина Река и село Алдинци се стигнува до крајната дестинација, Планинарски дом – Караџица. Оваа рута се категоризира како тешка и е за учесници со многу добра кондициска подготвеност.
Рутата е со должина од 25км, при што се совладува висинска разлика од приближно 2000 метри.
– Лесна:
Се поаѓа со превоз од дрварата во Драчево кој ги носи учесниците до Преслап, каде што оваа група се спојува со групата која учествува во тешката рута. Оваа рута е од лесен карактер. Рутата е со должина од 8км, при што се совладува висинска разлика од 600метри.
Маршот е предвиден како дводневен, но и со опција за враќање истиот ден.
За деталите и начинот на пријавување може да се погледнат на следниот ЛИНК.