Утре (26 ноември) во 13 часот во Музеј на Град Скопје ќе биде отворена изложбата „Во слава на Леонардо“ по повод одбележувањето на 500-годишнината од смртта на ренесансниот гениј, Леонардо Да Винчи.
Изложбата ја организира Музеј на Град Скопје заедно со Асоцијацијата за култура ИКОН.
Годинава, низ Европа, беа одржани бројни изложби посветени на животот и делата на Леонардо да Винчи по повод 500-годишнината од неговата смрт. Музејот „Лувр“ во Париз оваа есен направи изложба – ретроспектива, а преку 200 негови слики и скици беа изложени и во Бакингемската палата во Лондон.