Најмалку 22 Палестинци се убиени во израелски напад што погоди училиште во кое се засолниле раселени лица во градот Газа, информира Ал Џазира. Населбата дека се наоѓа училиштето моментално е под силно бомбандирање.
„Забележуваме зголемување на нападите врз засолништата, при што само овој месец беа погодени најмалку шест центри за евакуација и загинаа повеќе од 60 Палестинци. Во Рафах, најмалку пет Палестинци загинаа во напад на медицински магацин, а тимовите за цивилна одбрана се мачеа да стигнат до местото поради пожари. Во централното подрачје на Газа, каде што се наоѓаме, продолжуваме да слушаме силни експлозии во близина на бегалскиот камп Нусејрат“, известува репортерот Тарек Абу Азум.
Израелските сили и Хезболах вршат нови напади по границата меѓу Либан и Израел.
„Израелските власти соопштија дека извршиле најмалку 80 рации врз постројки за оружје што му припаѓаат на Хезболах и за возврат, Хезболах лансирал најмалку 45 ракети врз северен Израел“, информира новинарката Дорса Џабари.
Оваа размена е најинтензивна откако двете страни почнаа да се впуштаат во прекуграничен оган на 8 октомври, еден ден откако Израел ја започна својата војна против Газа.
Високиот комесар на Обединетите нации за човекови права се обрати до Советот за безбедност за „трагичните“ настани на Блискиот Исток, истакнувајќи ја „катастрофалната“ хуманитарна ситуација во Газа.
Либанското Министерство за здравство соопшти дека најмалку 31 лице, меѓу кои три деца, загинале во израелски напад врз јужните предградија на Бејрут вчера.
Најмалку 41.391 луѓе се убиени, а 95.760 се повредени во израелската војна против Газа. Во Израел, бројот на убиените во нападите предводени од Хамас на 7 октомври беше најмалку 1.139, додека повеќе од 200 луѓе беа заробени.
Инаку, денес е Меѓународен ден на мирот.
