Научниците именуваа нов вид сплескан црв по Ковид-19

Научниците открија два нови видови сплескани црви, а едниот од нив своето име го доби по КОВИД-19.

Црвот е наречен Humbertium covidum, и иако овој вид бил најден и проучуван во Франција и Италија, ова животно може да се најде и во Кина, Јапонија и Русија.

Во натпис во списанието „ПирЏ“, научниците велат дека не е познато од каде е потеклото на овој вид. Тоа е голем проблем со сплесканите црви, за кои се смета дека се префрлаат на почвата низ различни континтенти преку глобалната трговија со растенија.

Црниот, сплескан црв, со глава со изглед на чекан е релативно мал, долг само нешто преку 2,5 сантиметри, но има потенцијал да биде инвазивен. Сплесканите црви при својата потрага по храна се способни да се справат со многу други животни кои живеат во почвата, правејќи ја земјата помалку плодна и стабилна.

Научниците велат дека го именувале новиот вид по КОВИД-19 како признание за пандемијата, која го овозможила нивното истражување.

„Поради пандемијата, за време на карантините, многу од нас беа дома бидејќи лабораториите беа затворени. Не беше можна теренска работа. Ги убедив моите колеги да ги соберат сите информации кои ги имавме за овие спелкани црви, да ги направиме компјутерските анализи и најпосле да го напишеме овој долг научен текст“, објаснува Жан Лу Жустин, професор во Музејот на национална историја во Париз.

Според него, името има за цел да оддаде почит на сите жртви од коронавирусот.

Другиот вид сплескан црв го доби името Diversibipalium mayottensis. Тој има малку различна боја и живее на островот Мајоте, француска територија во Индискиот Океан. Научниците засега шпекулираат дека таму стигнал од Мозамбик.

МОЖЕ ЌЕ ВЕ ИНТЕРЕСИРА