Паднат е голем дел од интернетот низ Европа, јавуваат светските медиуми.
Дел од најпопуларните апликации во светот, како WhatsApp, Reddit и Slack имаат проблеми, односно тие се бавни, или целосно не функционираат за голем број корисници.
Проблемите се поврзуваат со Cloudflare, веб-страница која помага да се праќаат информации низ интернетот. Компанијата врши испорака на содржини до мрежни сервиси и други бизниси, што значи дека помага во одржување на индустријата која служи информации на луѓето кои посетуваат одредени веб-страници.
На официјалната страница на CloudFlare се вели дека проблеми има низ цела Европа и дека работат на нивно решавање.
Сепак, не е сигурно дали само оваа компанија е причина за проблемите. Постојат сомнежи дека причините за падот на интернетот се и поради серверите на Амазон, кои исто така, му помагаат на голем дел од интернетот.