Од 21 до 27 јуни во Кинотеката на Северна Македонија ќе се одржи Недела на бугарски документарни филмови.
Во седумте вечери, посветени на авторите од новиот документаристички бран на бугарската кинематографија, како и класичните автори, како што соопштија од Кинотеката, посетителите ќе можат да проследите 10 краткометражни и долгометражни наслови.
Автори на филмовите од оваа селекција се Станислав Дончев, Јордан Тодоров, Борислав Колев, Андреј Паунов, Светослав Стојанов , Коста Биков, Тонислав Христов, Елдора Трајкова, Панчо Цанков и Анри Кулев.
„Продуцентката Мартичка Божилова, сценаристката Петја Александрова и филмскиот критичар и историчар на филмот Росен Спасов ќе бидат гости на оваа кинотечна програма и публиката ќе има можност да разговара со нив по проекциите на филмовите“, посочија од Кинотеката.
Целосната програма е достапна на следниов ЛИНК.
