Во сабота, 5 октомври во Младинскиот културен центар во Скопје ќе се одржи деветтото издание на ПМГ Рекордингс фестивал. Насловот на годинешното издание е „НЕкултура“.
„Фина бројка, магиЈски својства и секако бројка која го крие клучот за разбирање на Универзумот. Но ајде прво да го разбереме нашиот локален универзумски контекст. Една НЕкултура во континуитет, поттикната директно одозгора, сесрдно прифатена и реализирана од подолните слоеви на општеството, неподготвено и незаинтересирано за одговорност. ПМГ Рекордингс, како изблик на незадоволство од културната и сеопштата состојба на теренот, веќе 21 година издава и промовира македонска музика и култура, со единствена цел: поквалитетен живот. Нашата фестивалска инкарнација и оваа година ќе понуди висококвалитетна програма пред се со домашни автори, но и неколку странски врвни имиња“, стои во најавата.
Настапувачите може да се видат ОВДЕ. Влезот е слободен.