Овој четврток во рубриката #НизТвојотОбјектив ја имаме Дина Јовевска, студентка на Архитектонскиот Факултет при универзитетот „Св. Кирил и Методиј“ и нејзиниот серијал фотографии насловен „Гласна тишина“.
„Фотографиите од оваа серија имаат за цел да ја доловат доминантната тишина во напуштените простори. Овие фотографии се направени во запуштениот хотел Палас во Охрид. Најгласните простори се оние каде човековиот глас има исчезнато, каде ѕидовите зборуваат и сенките се движат, оние простори каде времето стагнирало“, вели таа за Радио МОФ.
Радио МОФ започна со рубриката #НизТвојотОбјектив со цел да отвори можност за изразување, промовирање и поврзување на фотографи. Секој четврток објавуваме фотографија или фотографии од еден автор.
Сите заинтересирани за објавување, своите фотографии може да ни ги пратат на info@radiomof.mk, заедно со кратка биографија и кусо објаснување за контекстот на фотографијата. Фотографиите треба да опфаќаат различни општествени теми како екологија, дискриминација, цензура, млади, маргинализација, корупција, незадоволство и секојдневното живеење.
