Нобеловата награда за физика годинава им се доделува на тројца научници Исаму Акасаки и Хироши Амано од Јапонија и американскиот научник Шуџи Накамур.
Како што соопштија од Нобеловиот комитет за физика, наградата се доделува за нивната работа во развивањето на диоди кои зрачат сина светлина – или LED диоди. Оттаму додаваат дека работата на наградените научници помогнала да се направат извори на високо енергетска ефикасна бела светлина, која им е на располагање меѓу другото и на „паметните телефони“.
Научниците ја направиле првата сина ЛЕД светилка во раните 90. години. Нивното прогласување беше направено на прес конференција во Шведска, со што станаа дел од престижната листа од 196 научници, добитници на оваа награда која се доделува од 1901 година.
Наградата за физика изнесува 1, 1 милион долари.
Извор: BBC