Младинскиот образовен форум (МОФ) и Радио МОФ ги отвораат вратите на дворчето за заедничка дружба на последното ноемвриско сонце.
8 ноември (петок) го планираме како отворен ден исполнет со култура, уметност и активизам – Cult + Alt + Repeat за да го активираме креативниот дух.
Што ќе ве „снајде“?
Цртање на џиновски платна – имаме бои кои се ваши за графит, транспарент, порака или само шлакање
Масичка со облека и книги – земи, остави или донирај и помогни ѝ на заедницата
АРНО ќе прават работилница за одржливост (Repair shop)
Штанд на „Спознавање“ – креативно списание за глас на локалната сцена
Штанд на Партизанска штампа – со куп кул работи правени со сито печат
Дискусија на тема „Нема феминизам без антиколонијализам“ со Марија Арсенкова
Изложба на фотографии од Атанасија Гулевска АТА
Трач-кутија со писма кои ќе ги читаме на крај (или нема)
Музиката ќе биде од нас – мофовци и радиомофовци, со отворен пулт за секој што сака да се проба како диџеј!
Cult+Alt + Repeat го отвора просторот за сите млади, културни работници, активисти, уметници и креативци да се запознаат, дружат, ама и да донесат идеи. Дворчето ќе биде спремно со штандови и маси за сите активности, па останува само да донесете енергија и љубопитност.
