Универзитетот „Гоце Делчев“ Штип го објави конкурсот за запишување на студенти во прв циклус студии. Универзитетот во академската 2023/24 година предвидува 3.982 слободни места.
Првиот уписен рок ќе биде од 21 до 24 август, а запишувањето на 1, 4 и 5 септември. Вториот уписен рок е на 6 и 7 септември, а запишувањето ќе се врши на 14 и 15 септември и третиот на 18 и 19 септември, а последниот датум за запишување ќе биде на 25 и 26 тој месец.
Пријавувањето и запишување на Универзитетот ќе биде организирано онлајн. Кандидатите треба да креираат и поднесат електронска апликација со лични податоци и податоци од средното образование тука. Во рамките на електронската апликација
ги плаќаат (електронски) и трошоците за пријавување.
И оваа година Универзитетот нуди можност за ослободување од плаќање на партиципација за студирање во првата година од студиите во студиската 2023/2024 за кандидатите запишани во првиот уписен рок како редовни студенти во државна квота, рангирани според постигнат успех од средно образование, кој не треба да е под 80 поени.
Студиски програми за кои се врши проверка на знаења и умеења се:
Музичка академија
- Оддел за Дипломиран музички теоретичар и музички педагог
- Оддел за Дипломиран етнокореолог
- Оддел за Дипломиран музичар изведувач
- Оддел за Дипломиран џез музичар
Ликовна академија
- Класично сликарство
- Вајарство
Филмска академија
- Современ танц
- Современ танц (на англиски јазик)
Факултет за медицински науки
- General medicinе
Повеќе информации од конкурсот може да најдете овде, како и на веб-страната за Универзитетот.
