„Social Innovation Hub Skopje“ објави конкурс со кој ги повикуваат сите граѓани да достават предлози за иновативни проекти насочени кон борбата против климатските промени преку:
– Намалување на загадувањето;
– Намалување на емисиите од транспортот;
– Заштита на зелените површини; или
– Намалување на цврстиот отпад.
Главната цел на конкурсот е да ги охрабри поединците да предложат иновативни идеи за намалување на климатските промени и зголемување на урбаната отпорност.
Најиновативната идеја ќе биде наградена со грант од 10 000 американски долари, од кои 1 000 ќе бидат доделени како парична награда, додека 9 000 долари ќе бидат доделени на победникот во форма на придонеси за да се поддржи развојот на идејата во прототип на решение. Ова вклучува технолошка поддршка, менторство и помош во изнаоѓање на партнери кои би можеле да бидат заинтересирани за усвојување на решението или за финансирање на неговиот понатамошен развој.
За учество во конкурсот потребно е да се пополни онлајн формуларот којшто се наоѓа на вебстраницата http://odtebezavisi.mk. Предлозите можат да бидат доставени на македонски, или англиски јазик. Краен рок за пријавување е 1 јуни 2016 година.