Помалку од 10 отсто од пластиката што се користи ширум светот се рециклира, објави Организација за економска соработка и развој (ОЕЦД), повикувајќи на „координирани и глобални решенија“, пренесува „Франс 24“.
Новиот извештај на ОЕЦД покажа дека минатата година биле искористени 460 милиони тони пластика, што е бројка речиси двојно поголема од 2000 година.
„Откако се земаа предвид загубите за време на рециклирањето, само 9% од пластичниот отпад на крајот беше рециклиран, додека 19% беше согорен и речиси 50% заврши на санитарните депонии. Останатите 22% беа отстранети на неконтролирани депонии, запалени во отворени јами или завршиле во околината“, се вели во извештајот.
Со пандемијата со коронавирусот забележан е пад на употребата на пластика за 2.2% во 2020 во споредба со претходната година. Сепак, пластиката за еднократна употреба се зголеми и севкупната употреба е „повторно проектирана да се зголеми“ како што закрепнува економијата.
Пластиката придонела со 3.4% од глобалните емисии на стакленички гасови во 2019 година, стои во извештајот.
