Во Уметничка галерија Тетово поставена e изложбата „Еклектични изохипси“ на уметниците Катерина Деспот и Васка Сандева.
“Еклектични изохипси“ е насловот на онлајн изложбата која од вчера е достапна за посетителите на Унетничката Галерија Тетово. Изложбата ги претставува делата на уметниците Катерина Деспот и Васка Сандева, а заинтересираните можат да ги видат делата преку Фејсбук страннивата на тетовската галерија.
Истовремено, изложбата е отворена и за физички посетители, согласно протоколите за заштита од коронавирусот.
Катерина Деспот е родена во Прилеп во 1977 година, а завршила Индустриски дизајн на Националната ликовна академија во Софија. Васка Сандева е родена во Кочани во 1982 година, а во Софија завршила Пејсажна архитектура и докторирала на Шумарско-техничкиот универзитет.
Во прилог проследете ја онлајн изложбата.
