На македонската амбасада во Киев е причинета материјална штета, а направен е и првичен преглед на штетите на лице место и се работи на нивно санирање, по денешните ракетни напади на руската армија врз Киев, соопшти Министерството за надворешни работи (МНР).
При нападот, како што соопштија, нема повредени меѓу дипломатскиот персонал, а од МНР најостро ги осудија нападите.
„Воедно, информираме дека при нападот е погодена и критичната инфраструктура во Голосеевскиот реон, вклучително и зградата каде што се сместени шест амбасади, меѓу кои и Амбасадата на Република Северна Македонија во Киев“, посочија од МНР.
Министерот за надворешни работи на Чешка преку X сподели фотографии од оштетувањата на Чешкиот центар кој се наоѓа во истата зграда со македонската амбасада.
Rusko ničí ukrajinské životy a majetky, dnes ráno i náš, český. V důsledku ruského raketového úderu na Kyjev bylo tlakovou vlnou poničeno České centrum. Na místě naštěstí nikdo nebyl. V okolních bytech se ale nacházeli civilisté. pic.twitter.com/vXaT7qnUne
— Jan Lipavský (@JanLipavsky) December 20, 2024
