На 85 годишна возраст почина македонскиот кошаркарски тренер Лазар Лечиќ.
Лечиќ се смета за еден од основоположниците на кошарката во независна Македонија.
Тој работеше во Работнички, МЗТ Скопје, Никол ферт, а беше тренер и во Србија (Борац Чачак и Војводина), Словенија (Олимпија Љубљана) и Грција (Арис). Беше дел и од стручниот штаб на југословенската репрезентација која во 1970 ја освои светската шампионска титула.
Во 2015 година ја доби државната награда „8 Септември“ а минатата година тогашниот претседател Стево Пендаровски го одликуваше со „Медал за заслуги на Република Северна Македонија“.
Погребот на Лазар Лечиќ ќе биде утре на гробиштата во Бутел.
