Поранешниот фронтмен на бендовите Stone Temple Pilots и Velvet Revolve, 48-годишниот Scott Weiland е пронајден мртов синоќа. Веста за неговата смрт беше потврдена на неговата официјална Facebook страница, но причината за неговата смрт се уште е непозната.
Според објавата на социјалната мрежа, пејачот починал во сон во автобусот со кој биле на турнеја, пред настапот во Блумингтон, Минесота. Бендот побара да се почитува приватноста на неговото семејство.
Кон крајот на осумдесетитте години, Weiland ја формираше групата Stone Temple Pilots, а светска слава достигнаа на почетокот на деведесеттите години, за неколку години подоцна бендот да се распадне. Во 2003 година Weiland им се приклучи на Velvet Revolve, група формирана од поранешните членови на Guns N’ Roses, Slash, Duff McKagan и Matt Sorum. Овој бенд издаде два албума, еден во 2004 и еден во 2007 година. Во 2013 година, тој ги напушти и Velvet Revolve.
Потоа ги издаде соло албумите, „12 Bar Blues“ од 1998 и празничниот албум од 2011 „The Most Wonderful Time of the Year“. Последниот албум „ Blaster “ на неговиот бенд со кој досега настапуваше под името „Scott Weiland & The Wildabouts“ е издаден во март оваа година.
По веста за неговата смрт, голем број рок музичари му оддадоа почит на социјалните мрежи, меѓу кои Dave Navarro, Krist Novoselic и Joe Perry.