Канадската пошта во борба против депресивноста на пандемијата со Ковид-19 одлучи да внесе малку радост со боење на комбињата во весели бои.
Во сите поголеми градови низ Канада вкупно 40-тина шарени поштенски возила секојдневно пренесуваат писма и пакети што ги развеселува граѓаните кои ја земаат својата пошта од сандачињата.
Секое од комбињата е украсено со големо сонце и илустрација на која камионот во бојата на канадската пошта вози по виножито на кое пишува „Благодариме“.
Дизајнерот Ендрју Луис, на чија идеја е направен овој проект, вели дека размислувал што би било забавно со оглед на тоа дека луѓето „полуделе од изолацијата“ поради пандемијата на Ковид-19.
View this post on Instagram
Иако не верувал дека неговата замисла ќе биде сериозно земена предвид од Канадската државна пошта, тој сепак ги убедил во својата замисла.
„Многу луѓе на нивните прозорци имаат виножита, срциња и работи кои потсетуваат на минатата пролет или лето. Па го направив дизајнот забавен, како психоделична слика бидејќи сакав нешто што е позитивно и среќно, а ова е чудно, тмурно и депресивно време“, вели Луис.
View this post on Instagram
