No Plan, колекција на песни кои се верува дека се последните кои Дејвид Боуви ги снимил пред смртта, беше објавена на денот кој требаше да биде негов 70-ти роденден.
Ново EP со песни од Дејвид Боуви беше објавено на денот кој требаше да биде негов 70-ти роденден. На No Plan се клучени Lazarus, која се наоѓа и на последниот албум на Боуви Blackstar, како и песни напишани за мјузиклот Lazarus: No Plan, Killing a Little Time и When I Met You. Се верува дека се последните песни кои Боуви ги снимил, во периодот кога одржувале сесии за снимањето на Blackstar.
Од новиот материјал, Killing a Little Time има „абразивен хард рок“, а When I Met You е забавен гитарски поп. No Plan е меланхолична џез песна, а за неа има и видео режирано од Том Хингстон, во кое има референци на неговата главна улога во филмот The Men Who Fell To Earth.
На роденденот на Боуви беше одржан и хуманитарен концерт во негова чест, каде илјадници обожаватели се собраа да му искажат чест на починатиот музичар. Настапуваа Сајмон Ле Бон од Duran Duran, Џо Елиот од Def Leppard, како и бендот La Roux.