Во рамки на својата програма за неформално сеопфатно сексуално образование (ССО), ХЕРА објавува повик за учество на обука од областа на ССО.
Обуката опфаќа:
- Дводневна работилница за запознавање со седумте компоненти на ССО: род, сексуално и репродуктивно здравје, граѓански аспекти, задоволство, насилство, врски и односи и различност.
- Обуката ви носи и можност по нејзиното поминување да станете дел од тимот на волонтери ХЕРА Млади.
Обуката ќе се одржи на 14 и 15 октомври 2017 година во Скопје од 9 до 16 часот. Учесниците кои ќе ја поминат, ќе добијат сертификат. Обуката е бесплатна: сите трошоци, освен за пат и сместување, ќе бидат покриени од страна на ХЕРА.
Ги покануваме сите млади кои:
- се на возраст од 19 до 23 години,
- сакаат да добијат информации од полето на сексуалното и репродуктивното здравје и права,
- се мотивирани да бидат волонтери во ХЕРА и
- сакаат да работат во тим, знаат да исполнуваат задачи навреме.
Заинтересираните најдоцна до 12 октомври 2017 година треба да испратат:
- Пополнета пријава за присуство на врсничката едукација
Бројот на учесници е ограничен. Ве молиме да наведете телефонски број и е-адреса за контакт.
Документите со назнака на пораката повик за обука од областа на ССО можете да ги доставите на seksualnoobrazovanie@hera.org.mk