YES Инкубаторот ги претставува инспиративните приказни на некои од најуспешните претприемачи од светот преку уникатниот филм “The Startup Kids“. Се работи за документарен филм за млади претприемачи во САД и Европа. Содржи ексклузивни интервјуа со основачите на Vimeo, SoundCloud, Kiip, Dropbox и многу други, кои зборуваат за тоа како ги започнале своите компании и за нивните животи како претприемачи.
Филмот е направен од две жени-претприемачи од Исланд, Vala Halldorsdottir иSesselja Vilhjalmsdottir, кои ја основале својата прва компанија брзо после економскиот колапс на Исланд и сакале да ги мотивираат другите млади луѓе да станат претприемачи. Дополнително, овој филм е емитуван во повеќе од 40 земји низ светот.
YES Инкубаторот ја има ексклузивната лиценца за прикажување на филмот во Македонија. Датумот за прикажување е 24-ти април, во 20:00 часот, во клуб-ресторанот на МКЦ. Влезот е бесплатен, а заинтересираните треба да се регистрираат на следниов линк.