Пролетно разигрување во Кинотека, објавена програмата за април

Пролетно разигрување во кино салата на Кинотека. Овој месец на филмското платно ќе се прикажуваат филмови од различни жанрови, земји и континенти како и филмови од серијалот „Лауреатите на Манаки“.

Со возбудувања од психолошка природа, на филмското платно ќе биде прикажан филмот „Лолита“ снимен од режисерот Адријан Лин. „Лолита“ е мисловно истражување на темните аспекти на човековата природа. Улогите на Џереми Ајронс како Хамберт и Доминик Свејн како Лолита им носат сложеност и длабочина на ликовите.

Веднаш потоа ќе биде прикажан и еден од најзборуваните и најнаградуваните филмови во последнте 10 години, „Паразит“. Во 2019 година филмот ја освои „Златната палма“ на Канскиот филмски фестивал, а добитник е и на Оскар за најдобар филм.

Во овој тематски блок ќе бидат прикажани и „Мементо“, „Трчај Лола трчај“ и „21 грам“.

Како што информираат од Кинотека во месец април ќе бидат прикажани и три долгометражни филмови од грчката кинематографија, неколку краткометражни македонски филмови и двата филмови номинирани за Оксар, „Анатомија на падот“ по сценарио и режија на Жастин Триет и „Јас, капетан“, во режија на Матео Гароне.

„Се сеќаваш ли на Доли Бел“ ќе се прикажува на:

3 април (среда) 18:00ч

10 април (среда) 18:00ч

„Лолита“ ќе се прикажува на:

2 април (вторник) 20:00ч

„Паразит“ ќе се прикажува на:

3 април (среда) 20:00ч

„21 грам“ ќе се прикажува на:

4 април (четврток) 20:00ч

„Големата авантура на мачката Ру“ ќе се прикажува на:

6 април (сабота) 18:00ч

Денови на грчки филм