На 27 мај од 18 часот во Салон 19:19 ќе се одржи промоција на книгата „Приказни за деца и животни“ од Тихомир Јанчовски, информираат од Културно-информативниот центар – Скопје.
Книгата ќе ја претстави Јулијана Величковска, делови од книгата ќе читаат Тихомир Јанчовски и Горазд Китановски.
„Приказни за деца и животни“ е неговата прва книга за деца, се работи за баснарка-боенка. Содржи 14 басни со илустрации во кои ликовите главно се урбани животинки што се наоѓаат пред разни искушенија и дилеми кои ги решаваат на детски наивен и љубовен начин. Во книгата ќе ги најдете бувот Џуши, крокодилот Кроко, Дино Сајрус, јазовецот Бранко, мрзливецот Ано, две деца што станале китови, кучето Флопи и други протагонисти.
Тихомир Јанчовски – поет, професор, преведувач. Роден e нa 24 август 1967, во Скопје. Основно и гимназија завршил во родниот град. Дипломирал општа и компаративна книжевност на УКИМ (1991), специјализирал средновековни студии во Унгарија (1996), магистрирал современа историја во Скопје (2008). Досега му се објавени четиринаесет книги поезија, два романи и една книга колумни. Преведуван е на 15 јазици: англиски, француски, словачки, српски, хрватски, албански, босански, грчки, германски, грузиски, словенечки, руски, украински, персиски и италијански јазик.
Повеќе за настанот на следниов ЛИНК.
