Младински образовен форум (МОФ) со задоволство ве поканува на промоција на краткометражниот филм „Втора шанса“, во сценарио на Тоше Секулоски и режија на Глигор Кондовски.
Ова е трета ваква промоција на филмски продукти, комплетно изработени од страна на медиа/арт клубот кој функционира во склоп на МОФ Тетово. Покрај проекцијата на филмот, предвидена е и дискусија за тематиките кои ги обработува филмот, а кои се од огромна важност за сите граѓани на општина Тетово.
Модератори на настанот ќе бидат :
Оливера Цветковска – Психолог во Центар за социјални работи Тетово / член на Координативно тело за борба против дроги и Хив/Сида на општина Тетово,
Насер Ќамили – Секретар на Хуманитарно Здружение Ел Хилал -огранок Тетово и член на Координативно тело за борба против дроги и Хив/Сида на општина Тетово,
Елена Мишевска – Координатор на Младински образовен форум-Тетово и
Борислав Павлоски – Извршен директор на Центар за развој и унапредување на јавниот живот
Промоцијата на филмот ќе се одржи на 26 јуни 2013 (среда) во просториите на Центарот за развој и унапредување на јавниот живот во Тетово, со почеток во 19:30 часот.
Настанот се реализира во соработка со ЦРУЈЖ по повод меѓународниот ден за борбра против дрогите!
Дизајнот на постерот е изработен од страна на Никола Ѓурчиновски – член на Медиа/арт клубот на МОФ Тетово.